Шаҳзода Гарри ва Меган Маркл молиявий қийинчиликларга дуч келгани сабаб шаҳзода Чарльздан ёрдам сўради, деб хабар беради The Times Hub.
Сассекс герцогларида молиявий муаммолар қироллик имтиёзларидан воз кечиб, Буюк Британиядан Канадага, сўнгра Калифорнияга кўчиб кетгач юзага келган.
Шаҳзода Гаррининг доимий даромад манбайи йўқ ва у ҳеч ерда ишламайди, Меган Марклга эса ҳеч ким кино ва рекламада суратга тушиш таклифини билдирмаётгани сабаб жуфтлик пулга муҳтож.
«Улар солиқ тўловчилар солиқ тўлашда давом этишига умид қилганди. Бироқ оёқлари остидаги гилам тезда тортиб олинди ва улар шаҳзода Чарльздан ёрдам сўрашга мажбур бўлмоқда», — дейди инсайдер.
Манбанинг сўзларига кўра, Гарри ўзининг учта ов қуролини 180 минг долларга сотишга мажбур бўлган.
Эслатиб ўтамиз, шаҳзода Гарри ва Меган Маркл 31 март куни қироллик мақомидан расман маҳрум бўлганди. Апрель ойининг бошларида улар Instagram’даги 11 миллион фолловерлари билан хайрлашган эди.
Изоҳ (0)