Нуқталарни «ейиш». Pac-Man ўйини яратилганига 40 йил бўлди (фото)

1980 йил 22 май куни Японияда Pac-Man ўйини тақдим этилган бўлиб, у тарихдаги энг машҳур видеоўйинлардан бирига айланган. Лабиринтдаги нуқталарни «ейиш» натижасида ўйин яратувчилари ва уни оммалаштирганлар 14 миллиард доллар ишлаб олган. «Коммерсантъ» нашри «Пакман» қандай қилиб ўйин автоматларида пайдо бўлгани ва шундан сўнг реал ҳаётга кириб келгани тасвирланган суратлар билан бўлишди.

Pac-Man видеоўйини Япониянинг Namco компанияси томонидан яратилган бўлиб, 1980 йилнинг 22 майида ўйин автомобиллари пайдо бўлган ва дастлаб ўз ватанида у қадар машҳурликка эришмаган.

Орадан етти ой ўтиб ўйин Шимолий Америкада пайдо бўлганидан сўнг барчаси ўзгарган ва тезда машҳурликка эришган.

Биринчи йилнинг ўзидаёқ дунё бўйлаб 100 мингдан ортиқ Pac-Man аркада автоматлари сотилган.

1982 йилга бориб 400 мингдан ортиқ ўйин автомати сотилган. Pac-Man 2,5 миллиард доллардан ортиқ пул ишлаган энг муваффақиятли видеоўйинга айланган (бугунги кунда бу қарийб 7,7 миллиард долларга тенг).

Pac-Man ўзига бағишлаб товарлар — ўйинчоқлар, кийим-кечак, реклама-сувенир маҳсулотлари ишлаб чиқарилган биринчи видеоўйин персонажи ҳисобланади. Ўйин ва унга боғлиқ товарларни сотишдан 14 миллиард доллар фойда кўрилган.

Канадалик дарвозабон Нолан Майернинг бош кийимида ўйин қаҳрамонлари тасвирланган.

«Пакман»нинг ташқи кўриниши японча «оғиз» иероглифини ёдга солади, дизайнерлар уни юмалоқлаштирган.

Pac-Man жуда катта машҳурликка эришган: 1982 йилда у Time журналининг муқовасидан ўрин олган.

Ўша йилнинг ўзида Buckner & Carcia мусиқий дуэти Pac-Man Fever номли мусиқий альбомни тақдим этган, шу номли қўшиқ эса Billboard хит-парадида 9-ўринга кўтарилган.

Қаҳрамонларнинг исми овқат еяётганда оғизни очиш ва ёпишда ҳосил бўладиган товушнинг японча тақлиди «паку-паку»дан келиб чиққан.

1982—1984 йилларда Pac-Man анимацион сериалининг иккита мавсуми тақдим этилган.

Қаҳрамоннинг кинодаги саргузаштлари шу билан тугаб қолмаган: 2015 йилда тақдим этилган «Пикселлар» фильмида Pac-Man персонажлар орасидан ўрин олган.

АҚШда ўйин номи дастлаб Puck-Man’дан Pac-Man’га ўзгартирилган. Бунга оригинал номдаги P ҳарфини болалар F’га ўзгартириб қўйиши мумкинлиги сабаб бўлган.

2011 йилда NASA ходимлари Сатурннинг икки йўлдошининг ҳарорат хариталари Pac-Man қаҳрамонларига ўхшашини пайқаб қолган.

Pac-Man ҳозирда ҳам машҳур бўлиб, Гиннеснинг рекордлар китобига киритилган.

Британиялик таниқли дизайнер Стивен Жонс томонидан яратилган Pac-Man шлеми.