Покистонда Pakistan International Airlines авиакомпаниясига тегишли Airbus А320 йўловчи самолёти қулади. Бу ҳақда маҳаллий ОАВларга таяниб, Meduza хабар берди.

Лайнер Лахор шаҳридан Карачи шаҳрига рейсни амалга ошираётган эди. Маълум қилинишича, самолёт Карачи шаҳри аэропорти яқинида, қўнишга бир дақиқа қолганда ерга қулаган.

Қурбонлар ҳақида ҳозирча ҳеч нарса маълум эмас. Дастлабки маълумотларга кўра, самолёт бортида 107 киши бўлган.

Самолёт қулаган ҳудудга қутқарувчилар ва ҳарбийлар йўл олган. Гувоҳлар томонидан олинган видеоларга кўра, самолёт аҳоли яшайдиган ҳудуд яқинида қулаган.