Миср терма жамоаси собиқ мураббийи Ҳани Рамзи «Ливерпуль» ҳужумчиси Муҳаммад Салоҳ 2018 йилда «Реал»га ўтишдан бош тортганини айтди.
«Ўша вақтда Эктор Купер билан ишлардим, 2018 йилнинг март ойида Швейцарияда машғулотимиз бор эди. Салоҳ билан гаплашдим ва у «Реал»дан таклиф олганини айтди. Таклиф жуда яхши эди, бироқ Салоҳ мен ва Купер билан маслаҳатлашди ҳамда «Ливерпуль»да қолишга қарор қилди. Чунки у ерда Муҳаммад ўзини яхши ҳис қиларди», — дейди Рамзи.
Салоҳ 2017 йилдан буён «Ливерпуль» сафида ҳаракат қилади. Мисрлик футболчи «Реал»га қарши кечган 2018 йилги Чемпионлар Лигаси финалида жароҳат олиб майдонни тарк этади ва унинг жамоаси финални бой берди (1:3). Бироқ орадан бир йил ўтиб, «Ливерпуль» финалда «Тоттенҳэм»ни таслим этган ҳолда (2:0) бош совринга эга чиқади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)