Футбол бўйича Жанубий Корея чемпионатининг 2-туридан ўрин олган бир қатор учрашувлар 16 май, шанба куни бўлиб ўтди.
Ўзбекистонлик футболчи Достон Турсунов ҳаракат қиладиган «Пусан Ай Парк» жамоаси ўз майдонида «Чонбук Моторс»ни қабул қилди. Дастлаб меҳмонлар Ҳон Чон Ҳонинг голидан кейин олдинга ўтиб олган бўлса, 66-дақиқада майдон эгалари Ромулонинг пенальтидан киритган тўпидан сўнг мувозанатни тиклади. Бироқ иккинчи бўлимга ҳакам томонидан қўшиб берилган вақтда Велдвейк «Чонбук»нинг ғалаба тўпини киритди. Мазкур баҳсда Достон Турсунов майдонга тушмади.
Шу тариқа пусанликлар кетма-кет иккинчи мағлубиятни қабул қилиб олди. «Чонбук» эса очколарини 6 тага етказиб олган ҳолда пешқадамга айланди.
Шунингдек, 16 май куни яна иккита ўйин ўтказилди, «Санжу Санму» ўз майдонида «Канвон»дан устун келган бўлса, «Тэгу» ва «Поҳанг Стилерс» жамоалари ўзаро муроса йўлини танлади.
17 май, якшанба куни Икром Алибоев жамоаси «Сеул» ўз майдонида Рустам Ашурматовнинг «Кванжу»сини қабул қилади. Жамшид Искандаров ҳаракат қилаётган «Соннам» эса «Инчҳон Юнайтед» билан куч синашади.
Кей-Лига
2-тур баҳслари
16 май, шанба
«Санжу Санму» — «Канвон» 2:0
Голлар: 1:0 — 22, пенальти Кан Сан Ву, 2:0 — 78 Мун Сон Мин.«Тэгу» — «Поҳанг Стилерс» 1:1
Голлар: 0:1 — 43 Палочевич, 1:1 — 67 Эдгар Сильва«Пусан Ай Парк» — «Чонбук Моторс» 1:2
Голлар: 0:1 — 16 Ҳон Чон Ҳо, 1:1 — 66 Ромуло, 1:2 — 90+3 Велдвейк.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)