UFC Fight Night 172: Алистар Оверим 2-раундда Уолт Ҳаррисни нокаутга учратди

АҚШнинг Жексонвилл шаҳрида (Флорида штати) Тошкент вақти билан 17 май, якшанба куни UFC Fight Night 172 мусобақаси бўлиб ўтди.

UFC ҳафталигининг сўнгги мусобақаси асосий жанги оғир вазн вакиллари Алистар Оверим ва Уолт Ҳаррис ўртасида кечди. Унда Оверим рақибини иккинчи раундда техник нокаутга учратган ҳолда ғалабага эришди.

Ушбу натижадан сўнг Оверимнинг MMA’даги умумий ғалабалари сони 46 тага етди. Алистар 18 та жангда мағлуб бўлган. Ҳаррис эса фаолиятидаги саккизинчи мағлубиятни қабул қилиб олди. Унинг ҳисобида 13 та ғалаба мавжуд.

Асосий карднинг қолган натижалари билан танишинг:

Клаудиа Гаделя очколар ҳисобида Анжела Ҳиллни мағлубиятга учратди: (28-29, 29-28, 29-28);

Дэн Иж очколар ҳисобида Эдсон Барбозадан устун келди (28-29, 29-28, 29-28);

Кшиштоф Йотко очколар ҳисобида Эрик Андерсни мағлуб этди (30-27, 29-28, 29-28);

Сонг Ядонг очколар ҳисобида Марлон Верадан устун бўлди (29-29, 29-28, 29-29).

Барча жанг видеоларини томоша қилинг: Ҳавола