АҚШ коронавирус пандемияси сабаб Хитой билан халқаро муносабатларга чек қўйишга ҳам яқин бўлган. Бу ҳақда мамлакат президенти Дональд Трамп Fox News телеканалига берган интервьюсида айтиб ўтган.
Аввал коронавирус туфайли Хитойга нисбатан санкциялар қўллаш бўйича қонун лойиҳаси АҚШ сенатида муҳокама қилинганди. Вашингтон Пекинни COVID-19 ҳақидаги маълумотларни яширганликда айбламоқда.
Телеканалдаги суҳбатда Трамп ХХР раиси Си Цзиньпин билан бу борада гаплашгани ҳақида савол берилди.
«Муносабатлар яхши... Бироқ айни вақтда у билан гаплашишни истамайман», — дея жавоб қилган Трамп.
Мавзуга доир: Трамп: «Хитой коронавирус борасида катта хато қилди»
«Биз Хитойга нисбатан қўллаш мумкин бўлган тақиқ ва чекловлар жуда кўп. Дипломатик муносабатларни бутунлай узиб қўйсак ҳам бўларди», — дейди Трамп.
Шунингдек, АҚШ етакчиси ХХР билан халқаро муносабатларни узил-кесил тўхтатилишидан мамлакат 500 миллиард доллар ютиши мумкинлигини қўшимча қилган.
«Йиллар давомида ушбу гапни айтиб келаяпман. Бу бошқа мамлакатларга ҳам тегишли. Хитой бизни ўмараётган ягона давлат эмас», — деган АҚШ президенти.
Мавзуга доир:
АҚШ ҳукумати SARS-CoV-2 коронавирус инфекцияси Ухандаги лабораторияда ишлаб чиқилган ва шаҳарнинг эпидемия ўчоғига айланиши сабаби ҳам шу деб ҳисобламоқда. АҚШ хавфсизлик вазирлиги ҳисоботида Хитойнинг эпидемия кўлами кенгайишини яширгани ва касаллик хавфи ҳақида огоҳлантирмаганини қайд этган. Вазиятнинг жиддийлигини сир тутган ХХР кейинчалик тиббиёт буюмлари импортини ошириб, экспортни қисқартирган, дейилганди Associated Press хабарида. Fox News эса манбаларига таяниб Уханда касалликни биринчи бўлиб юқтириб олган киши шаҳардаги лаборатория ходими бўлганини хабар қилган.
Изоҳ (0)