Тошкент вилоятида 7544 нафар фуқаро стационар шароитда карантинга олингани маълум қилинди

Тошкент вилояти ҳокимлиги 2020 йил 11 май соат 20:00 ҳолатига кўра, ҳудудда коронавирус инфекциясига қарши олиб борилаётган ишлар тўғрисида ахборот берди.

Унга кўра, Юқори Чирчиқ карантин полигонида 6384 нафар, «Умид Гулшани» оромгоҳида 44 нафар, жами 6428 нафар фуқаро стационар карантинга олинган.

Зангиота тумани юқумли касалликлар шифохонасида 65 нафар, Қуйи Чирчиқ тумани туғруқ комплексида 33 нафар, Паркент туман тиббиёт бирлашмасида 202 нафар, Янгийўл туман тиббиёт бирлашмасида 150 нафар, Зангиота туман тиббиёт бирлашмасида 225 нафар, Қуйи Чирчиқ туман тиббиёт бирлашмасида 441 нафар, жами 1116 нафар фуқаро карантинга олинган.

Вилоятда жами 7544 нафар фуқаро стационар шароитда карантинга олинган. Уй шароитида 6520 нафар фуқаро карантинга олинган бўлиб, бундан хонадонлар сони 1203 та, оилалар сони эса 1297 тани ташкил этади.

Тошкент вилоятида доимий рўйхатда турган фуқаролардан 207 нафарида коронавирус касаллиги тасдиқланган бўлиб, 128 нафар фуқаро соғайиб, тиббий реабилитация марказларига ва яшаш манзилларига юборилган.

Вилоят бўйича 539 нафар шифокор коронавирусни даволаш ишларига сафарбар этилган: 203 нафар терапевт, 122 нафар реаниматолог, 82 нафар инфекционист, 132 нафар эпидемиолог. 4246 нафар ўрта ва кичик тиббий ходимлар ҳам даволаш ишларига жалб қилинган.

Қайд этилишича, Юқори Чирчиқ карантин полигонида COVID-19 аниқланган 4 нафар фуқаро даволаш муассасаларига ўтказилган. «Ғишт кўприк» чегара постидан ўтган 218 нафар фуқародан 214 нафари Юқори Чирчиқ карантин полигонига, 3 нафари Зангиота юқумли касалликлар шифохонасига жойлаштирилган.

• Тез тиббий ёрдам автомашиналарида 34 нафар фуқаро Юқори Чирчиқ карантин полигонига;
• 91 нафар «Билайн» компанияси ишчилари Юқори Чирчиқ карантин полигонига;
• Паркент туманидан уй карантинида бўлган 45 нафар фуқаро Юқори Чирчиқ карантин полигонига;
• Сеул—Тошкент чартер рейсда келган 127 нафар фуқаро Юқори Чирчиқ карантин полигонига жойлаштирилган.
• Зангиота туман юқумли касалликлар шифохонасида 1 нафар беморда COVID-19 аниқланганлиги сабабли у Республика эпидемиология, микробиология, юқумли касалликлар шифохонасига ўтказилган;
• Пискент туманидан 10 нафар ҳамшира, 5 нафар кичик тиббий ходим Юқори Чирчиқ карантин полигонига сафарбар қилинган;
• Янгийўл шаҳар деҳқон бозорида фаолият юритаётган 220 нафар фуқародан COVID-19’га таҳлиллар олинган;
• Қуйи Чирчиқ туман тиббиёт бирлашмасидан 1 нафар фуқаро Зангиота туман юқумли касалликлар шифохонасига юборилган.

Юқори Чирчиқ ҳамда Ўрта Чирчиқ туманидан невропатолог, травматолог, кардиолог, гинеколог, гастроэнтеролог Юқори Чирчиқ карантин полигонига фуқароларга тиббий ёрдам кўрсатиш учун юборилган, дейилади вилоят ҳокимлиги берган ахборотда.Эслатиб ўтамиз, Республика махсус комиссияси томонидан эълон қилинган туманлар ва шаҳарлар «қизил», «сариқ» ва «яшил» тоифага ажратилган рўйхатда Тошкент вилояти «қизил» тоифага, ундаги Янгийўл шаҳри ва тумани, Оққўрғон, Зангиота ҳамда Паркент туманлари ҳам ушбу рангдаги тоифага ажратилган. Ҳудуддаги Ангрен ва Чирчиқ шаҳарлари, Бекобод, Қибрай, Қуйи Чирчиқ, Ўрта Чирчиқ, Чиноз, Юқори Чирчиқ ҳамда Тошкент туманлари «сариқ», Олмалиқ, Оҳангарон, Бекобод, Нурафшон шаҳарлари, Оҳангарон, Бўстонлиқ, Бўка ва Пискент туманлари эса «яшил» тоифага мансуб деб белгиланган.