«Давергеодезкадастр» қўмитаси томонидан Сардоба сув омборида рўй берган тошқиндан зарар кўрган ҳудудлардаги турар ва нотурар кўчмас мулк объектлари ўрганиб чиқилди. Бу ҳақда «Дарё»га қўмита ахборот хизмати маълум қилди.
Маълум қилинишича, 10 май ҳолатига кўра, 10 та маҳалла фуқаролар йиғинининг 20 та аҳоли яшаш пунктида жами 5 969 та турар ва 277 та нотурар жой объектлари талафот кўргани аниқланган. Мазкур турар жойларнинг 4 587 таси якка тартибдаги уй жой, 1 337 таси кўп қаватли хонадон ва 45 таси қурилиши тугалланмаган уй-жойлардир.
Ҳозиргача 3 599 та турар ва нотурар жойларнинг кадастр ҳужжатлари ва кадастр паспортларидан дубликатлари кўчмас мулк эгалари ва фойдаланувчиларга тақдим этиш учун тайёрланган.
«Шунингдек, ‘Давергеодезкадастр’ қўмитаси томонидан сув тошқинидан азият чеккан аҳоли уйларининг кадастр ҳужжатлари бепул тайёрлаб берилиши кўзда тутилган», — дейилади хабарда.
Изоҳ (0)