Фарғона вилоятининг Олтиариқ туманида карантин қоидалари бузиб, уйида қиморхона ташкил қилган фуқаро қўлга олинди, дея хабар беради «Дарё» мухбири.
Жорий йил 4 май куни ИИБ ходимлари томонидан ўтказилган тезкор тадбир давомида Олтиариқ тумани Ёрқин кўчасида яшовчи О.А. яшаш хонадонида ноқонуний равишда қиморхона ташкил қилиб, танишлари М.Х., Н.Х. ва А.У.га қимор ўйнаши учун шароит яратиб берганлиги аниқланган. Ўйинга тикилган 880 минг сўм пул ва ўйин карталари далилий ашё тариқасида ҳужжатлаштирилган.
Мазкур ҳолат юзасидан Олтиариқ тумани ИИБ томонидан Жиноят кодексининг 278-моддаси 1-қисми (Қиморхона ташкил этиш) билан жиноят иши қўзғатилиб, тергов ҳаракатлари олиб борилмоқда.
Изоҳ (0)