Голливуднинг ёшида катта фарқ бўлган юлдузли жуфтликлари (фото)

Ёшдаги катта тафовут машҳурларнинг оила қуриши ёки бир-бирига кўнгил қўйишига тўсқинлик қила олмайди. Marie Claire нашри ана шундай жуфтликлар ҳақида мақола тайёрлади.Блейк Лайвли ва Райан Рейнольдс — 11 ёш

Жуфтлик 2010 йилда «Яшил фонар» фильмининг суратга олиш жараёнида танишган. Аммо бу вақтда Райан Скарлетт Йоҳанссон билан ажрашмаганди. Шундоқ ҳам қил устида бўлиб турган муносабатларга Лайвли пайдо бўлганидан кейин нуқта қўйилган. Райан ва Блейк ўртасида яшин тезлигида пайдо бўлган муносабатлар орадан бир йил ўтиб никоҳ билан мустаҳкамланган. 11 ёш тафовутга қарамай юлдузли жуфтлик бугунги кунда 3 фарзанднинг бахтли ота-онаси.

Амал Аламуддин ва Жорж Клуни — 17 ёш

Голливуд юлдузи Жорж Клунининг кимнидир севиб қолиши ва турмуш қуриши мухлислар учун кутилмаган янгилик бўлган. Актёрнинг юрагидан урган хоним Жорждан 17 ёш кичик бўлган британиялик адвокат Амал Аламуддин. Жуфтлик 2013 йилда хайрия тадбирларидан бирида танишган ва орадан бир йил ўтиб унаштирилган, кейинроқ бўлса турмуш қурган. 2017 йилда Амал ва Жорж оиласида эгизак Элла ва Александра дунёга келган.

Жейсон Стэтхэм ва Роузи Хантингтон — 19 ёш

Актёр ва модель жуфтлиги илк бор 2010 йилда Калифорниядаги мусиқий фестиваллардан бирида танишган. 2016 йилда унаштирув ҳақида эълон қилган жуфтлик 2017 йилда ўғил фарзандли бўлган.

Брюс Уиллис ва Эмма Хеминг — 23 ёш

Брюс 13 йил давомида Деми Мур билан билан турмуш кечирган. 2000 йилда рафиқаси билан ажрашганидан кейин фотомодель Эмма Хемингга уйланган. Жуфтлик орасидаги фарқ 23 ёш. Ҳозирда уларнинг икки қиз фарзанди бор.