25 ёшли америкалик модель Жижи Ҳадид ва 27 яшар британиялик қўшиқчи Зейн Малик фарзандли бўлади, деб хабар беради Cosmopolitan нашри.

Бундан икки йил аввал ўрталаридан қора мушук ўтганини айтмаганда, жуфтлик беш йилдан ортиқ вақтдан бери илиқ муносабатда.

Дўстларининг айтишига қараганда, модель айни вақтда ҳомиладорликнинг бешинчи ойида. Бундан хулоса қилинса, Жижининг тўрт ойдан кейин оналик бахтига муяссар бўлишини билиш мумкин. Ҳар икки ёшнинг ота-онаси ҳам ушбу хушхабардан боши кўкка етган ва набирали бўлишни орзиқиб кутмоқда. Фарзанднинг ўғил ёки қиз экани сир тутилмоқда, деб ёзади TMZ.

23 апрель куни Жижи 25 ёшини кичик доирада нишонлаган ва Зейн ҳамда синглиси Белла билан тушган суратини Instagram саҳифасига жойлаганди. Кузатувчан мухлислар томонидан суратда Жижи кенг қора водолазка кийиб, катталаша бошлаган қорнини яширгани тахмин қилинганди.

https://www.instagram.com/p/B_bK5-cH6I5/?utm_source=ig_embed