«Реал» собиқ бош мураббийи, ҳозирда «Тоттенҳэм» клубини бошқараётган Жозе Моуриньо Испанияда «Барселона» билан бўлган рақобатни ёдга олди.
«Биз мавжуд энг яхши усул билан «Барселона» гегемониясига чек қўйгандик. Криштиану Роналдуга эга менинг қўл остимдаги «Реал» Европанинг энг яхши жамоаси эди. Биз рақиб дарвозаси томон тезкор ва тўғридан-тўғри юришлар қилардик. Жамоада тўхтатиб бўлмас боғламлар бор эди», — дейди Моуриньо.
Португалиялик мутахассис 2010—2013 йиллар давомида «Реал»ни бошқарган. Жозе мадридликлар билан Испания чемпионати (2012 йил), Испания Кубоги (2011 йил) ва Суперкубогида (2012 йил) ғолиб чиққан.
«Реал»даги фаолиятидан сўнг мутахассис «Челси»га қайтган ва у ерда 2015 йилгача ишлаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)