Сирдарё вилоятида жойлашган Сардоба сув омборида тўғони пикетларидан бирида 1 май куни соат 5:55 да бузилиш юз бериб, сув тошиб чиқиши юз берган эди.Фото: Telegram
«Натижада Сардоба тумани Қўрғонтепа ва Дўстлик аҳоли яшаш пунктларидаги сув тошқини жиддий зарар етказди», — дея маълум қилди Фавқулодда вазиятлар вазирлиги матбуот хизмати ходими Самандар Ҳикматуллаев.
ФВВ вакили ахборотида сув тошқини етказган жиддий зарар юзасидан бирор рақам келтирилмаган. Қайд этиш жоиз, аввалроқ ижтимоий тармоқларда тошқин оқибатида турар жой бинолари бузилгани, мол-ҳол сувда оқиб кетаётгани акс этган видеоёзувлар тарқалган эди.Эслатиб ўтамиз, воқеа юзасидан берилган илк расмий ахборотларда дастлаб фақат Сардоба туманидаги Қўрғонтепа аҳоли яшаш пунктига «сув киргани» таъкидланган, кейинроқ Мирзаобод туманидаги айрим маҳаллаларга ҳам «сув киргани» билдирилган эди.
Маълумот учун, содир бўлган фавқулодда вазият юзасидан ФВВда колл-центр фаолияти йўлга қўйилган. Ташкил этилган тезкор рақам кучайтирилган тартибда ишламоқда. Қўнғироқлар 1205 ва 1250 қисқа телефон рақамлари орқали қабул қилинмоқда.