Карантин сабабли барча умумтаълим мактабларида 16 апрелдан бошлаб дафтар текшириш, синф раҳбарлиги учун қўшимча тўлов бериш тўхтатилган. Бу ҳақда 25 апрель куни АОКАда бўлиб ўтган брифингда Халқ таълими вазирлиги вакили маълум қилди.
ХТВ ахборот хизмати раҳбари Анвар Умаровнинг таъкидлашича, ҳукуматнинг жорий йил 16 апрелдаги 232-сон қарорига асосан 2020 йил 16 апрелдан бошлаб 1 октябрга қадар умумтаълим муассасаларида фақат директор жамғармаси маблағлари ҳисобидан амалга оширилиб келинган барча тўловлар ҳисобланиши тўхтатилади.
«Шуни айтиш керакки, тоифалар бўйича базавий тариф ставкалар, чет тили ўқитувчилари учун устама, дафтар текшириш ва информатика хонаси мудирлиги (меҳнат таътилидан ташқари бўлган ёзги ўқув таътили даври бундан мустасно), синф раҳбарлиги учун қўшимча тўловлар, ихтисослашган мактаблардаги ходимларга белгиланадиган устамалар, олис ҳудудларга бориб ишлаётганлиги учун устама ва бошқа директор жамғармаси ҳисобидан амалга оширилмайдиган тўловлар сақлаб қолинади», — деди Анвар Умаров.
Изоҳ (0)