Бухоро ҳокими ўринбосари Жамол Носиров маданият вазири Озодбек Назарбековга биринчи ўринбосар бўлди. Бу ҳақда «Дарё» мухбири хабар бермоқда.
Таъкидланишича, вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимида фаолият юритиб келган Жамол Носиров Президентнинг 2020 йил 22 апрелдаги қарорига асосан, Маданият вазирининг биринчи ўринбосари этиб тайинланган.
Жамол Носиров 2012—2014 йилларда Ёшлар Иттифоқи (собиқ «Камолот» ЁИҲ) вилоят кенгаши раиси лавозимида ишлаган. Шу давр мобайнида ёшлар ташкилоти муассислигидаги «Бухоро ёшлари» газетасида бош муҳаррирлик ҳам қилган.
2015 йил Олий Мажлис Қонунчилик палатасига депутат этиб сайланган. 2017 йилда эса Бухоро вилояти ҳокимига ўринбосар этиб тайинланган.
«Дарё» мухбирининг қўшимча қилишича, Жамол Носиров ўрнига вилоят ҳокимининг маҳалла ва оила масалалари бўйича ўринбосари лавозимида ишлаб келган Йўлдош Жумаев тайинланиши кутилмоқда.
Изоҳ (0)