Прагада «Том ва Жерри» мультфильми яратувчиларидан бири америкалик мультипликатор-рассом Жин Дейч вафот этди. Бу ҳақда марҳумнинг матбуот агенти Петр Химмелга таяниб, AP хабар берди.
Таъкидланишича, Дейч 17 апрель кечаси оламдан ўтган. Рассомнинг ўлимига нима сабаб бўлганига аниқлик киритилмаган. Дейч 95 ёшда бўлган. Маълумотларга кўра, режиссёр умрининг сўнгги кунларини Прагадаги уйида ўтказган.
Жин Дейч «Том ва Жерри» мультипликацион сериалининг ўн учта эпизодида режиссёр сифатида иштирок этган, шунингдек, «Денгизчи Папай» мультсериали устида ҳам ишлаган. Бундан ташқари, у «Монро» ва «Нудник» каби мультфильмларни, шунингдек, «Том Террифик» мультсериалини яратган. 1960 йилда экран юзини кўрган қисқа метражли «Монро» мультфильми «Оскар» мукофотини қўлга киритган.
Изоҳ (0)