«Дерби Каунти» клуби ҳужумчиси Уэйн Руни «Ливерпуль» ҳужум чизиғини дунёдаги энг кучлиси деб атади.
«Голлар ўйинчиларнинг бир-бирини ўзаро тушуниб ҳаракат қилишига боғлиқ, «Ливерпуль» ҳужум учлиги бунда идеал намуна. Муҳаммад Салоҳ ва Садио Мане ҳужумнинг чуқурроқ бўлишини таъминлаб беради, рақиблар дарвоза олдидан нари кетишларига тўғри келади, бу эса Роберто Фирминога ичкарига кириш имкониятини яратади. Марказий ҳимоячилар хотиржам тортади, Салоҳ ва Мане эса ақл бовар қилмас тезликда бўш зоналар сари юриш қилади.
Бу менга Франческо Тоттининг ўйинини эслатиб юборади. У «Рома»да «ўнинчи рақам» сифатида ҳаракат қилгани ва икки вингер қанотлардан ҳужумга ўтган пайтни ёдга солади.
Буни тан олиш жуда оғир, бироқ айни дамда «Ливерпуль» дунёдаги энг кучли ҳужум чизиғига эга», — деди Руни.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)