Швейцария армиясига мўлжалланган йўлтанламас ғилдиракли уйга айлантирилди (фото)

Швейцария армияси қуролланишидан ўрин олган 1993 йилги Puch 230 GE ғилдиракли уйга айлантирилди. Машина ичида каравот, шунингдек, раковина ва микротўлқинли печга эга ошхона жойлашган. Ғилдиракли уйни 69 минг евро эвазига харид қилиш мумкин, деб хабар беради Motor.

Puch маркаси остидаги G-Class ўтган асрнинг охирларида Mercedes-Benz моделлар каби Австриядаги Граце заводида ишлаб чиқарилган. 2020 йилнинг бошида Lorinser Classic немис компанияси бир неча ўнлаб Puch йўлтанламасларини қайта жиҳозлаш учун қабул қилиб олган. Мебель ва ошхонасиз кэмпернинг нархи 15,5 минг евро атрофида.

Puch базасидаги 1993 йилги 230 GE анча қимматроқ туради. Баланд том ва жиҳозланган макондан ташқари, унга дунёнинг қадимий харитаси тасвири туширилган плёнка ёпиштирилган. Шунингдек, салонда бирор нимани сақлаш учун кўплаб қутилар ва майда предметлар учун органайзерлар мавжуд.

Автомобиль 87,4 километр масофа босган бўлиб, уни 116 от кучига эга 2,3 литрли мотор ҳаракатга келтиради.