Бугун,

  • USD 11095.31
  • RUB 173.84
  • EUR 10772.44

Лотин Америкаси давлатлари ҳудудида COVID-19 коронавирус инфекциясининг тарқалиши бутун дунёда қаҳва инқирози юзага келишига сабаб бўлиши мумкин, дея огоҳлантирган Bloomberg.

Фото: Getty Images

Фото: Getty Images

Агентлик берган маълумотларга асосан 2020 йилда бўлган талаб таклиф миқдоридан баланд, лекин ушбу кемтик аввалги ҳосил ҳисобидан қопланиши мумкин. Бироқ пандемиянинг бошланиши қаҳванинг жуд кўп миқдорда харид қилинишига олиб келган (АҚШда куйдирилмаган қаҳва донининг захираси охирги беш йил ичида минимумгача камайди), бунинг устига COVID-19’нинг Лотин Америкасида тарқалиши йиғиб олинадиган янги ҳосилнинг миқдорига таъсир қилиши мумкин.

Жаҳонга қаҳва етказиб берувчи асосий экспортчилар, яъни Лотин Америкаси мамлакатларида коронавирус инфекциясининг тарқалиши Европа ёки АҚШдагига нисбатан анча секин, бироқ айни кунларда касаллик сабаб қаҳва плантациялари теримчиларсиз қолиш хавфи остида. Колумбияда ҳанузгача қаҳва ҳосили қўлда териб олинади.

Bloomberg нашри Лотин Америкаси давлатларида қаҳва теримидаги меҳнат учун катта маблағ тўланмаслигини эслатиб, ҳатто битта одам коронавирус юқтириб олган бўлса, қолган минглаб теримчиларга вирус юқиши эҳтимоли баландлигига урғу берган.

Колумбия қаҳва ишлаб чиқарувчилари миллий федерацияси ижрочи директори Роберто Велес коронавируснинг соҳада бир нечта муаммолар олиб келганини тан олган. Унинг айтишича, мамлакат иқтисодиётининг бошқа соҳаларида иш йўқотган одамлар ҳам теримга жалб қилиниши юзасидан тегишли чоралар амалга оширилмоқда. Бироқ Колумбияда плантациялар жойлашга ҳудудларда ҳам ҳаракатнинг чекланиши туфайли вазият оғирлашган.

Перуда ҳам вазият яхши эмас. Мамлакатда қаҳва терими май ойида бошланиши лозим, аммо қаҳва хўжаликларини бирлаштирган Cecovasa кооперативи бош директори Жимми Ларико ишчилар сони етмай қолиши мумкинлигидан хавотирда. Фермерларнинг ўзи ҳам ҳудудларда озиқ-овқат маҳсулотлари, эҳтиёж учун зарур нарсалар етишмовчилиги сабаб майдонларни тарк этмоқда.

«Кўпчилик ўз фермасини ташлаб кетмоқда. Карантин давом этадиган бўлса ҳосил хавф остида қолиши мумкин», — деган Лорико. Унинг сўзларига кўра транспорт ҳаракати чеклаб қўйилгани туфайли одамлар оилавий равишда пиёда узоқ масофаларни босиб ўтмоқда.

Қаҳвага талабнинг ортиши кафе ва ресторанлар ёпилишининг секинлашувига олиб келиши мумкин, бироқ бу Лотин Америкасидаги ишлаб чиқарувчилари аҳволининг янада ёмонлашишига, ишчи кучининг етишмаслиги эса қаҳванинг тайёрланиш жараёнига ҳам таъсир қилади.

Изоҳ
Asosiy yangiliklar
Дунё
Рамзан Қодировни танқид қилган чеченистонлик блогер ўлдириб кетилди
Маҳаллий
Ўзбекистонда талабалар учун қишки таътил муддати белгиланди
Маҳаллий
Ўзбекистонда сўнгги суткада 153 кишида коронавирус аниқланди