Bugun,

  • USD 11095.31
  • RUB 173.84
  • EUR 10772.44

Ekvador prezidenti Lenin Moreno koronavirus pandemiyasi, neft narxining pasayishi va budjet taqchilligi tufayli yuzaga kelgan murakkab inqiroz sharoitida mamlakat rahbariyati va amaldorlarining maoshini ikki baravar qisqartirishga qaror qildi, deb xabar bermoqda “TASS”.

Foto: El Relato Ecuador

Foto: El Relato Ecuador
“Men, prezident, vitse-prezident, vazirlar va vazir o‘rinbosarlarining oylik ish haqini 50 foizga kamaytirishga qaror qildim. Shuningdek, barcha amaldorlar va parlament a’zolari ham shunday yo‘l tutadi”, — deb yozgan u o‘zining Twitter’dagi sahifasida.

Juma kuni Ekvador rahbari mamlakatda budjetdan tashqari mablag‘lar, ya’ni fuqarolik jamiyati va yirik biznes vakillarining majburiy badallari bilan to‘ldiriladigan gumanitar yordam jamg‘armasi tashkil etilishini e’lon qilgan.

Xususan, yiliga 1 million dollardan ko‘proq daromad olgan kompaniyalar uch oy ichida jamg‘armaga daromadining 5 foizini berishi shart. Bundan tashqari, daromadlari 500 dollardan ko‘proq bo‘lgan fuqarolar to‘qqiz oy davomida fondga (oyiga 2 dollar) badallar to‘lashi kerak.

Ayni paytda Ekvadorda koronavirusga chalinish bo‘yicha 7 466 ta holat qayd etilgan, 333 kishi vafot etgan.

O‘zbekistonda esa koronavirusga chalinganlar soni 896 nafarga yetdi.

Izoh
Asosiy yangiliklar
Mahalliy
“Prava”ni yangisiga almashtirib beradigan onlayn xizmat faoliyatida nosozlik kuzatilmoqda
Mahalliy
O‘zbekistonda gaz zapravkalar qayta ochilishi kutilmoqda
Dunyo
Rossiya Belarusga yangi harbiy qismlar joylashtirdi — Ukraina chegara xizmati