Бир гуруҳ америкалик тадқиқотчилар коронавирус билан касалланганлар сони расмий статистик маълумотларда қайд этилаётганидан ўн баравар кўп бўлиши мумкинлигини аниқлади. Тадқиқотнинг қоралама нусхаси medRxiv нашрида эълон қилинган.
Унга кўра, олимлар АҚШда инфекция тарқалиши биринчи бўлиб қайд этилган Шимолий Калифорниядаги Санта-Клара округида тажриба ўтказган.
Тадқиқотчилар қанча одамлар COVID-19 юқтиргани, буни ҳатто билмаган бўлиши мумкинлигини баҳолаш мақсадида 3,3 минг кўнгиллиларни уларда коронавирусга антитаналар бор-йўқлигини аниқлаш учун текширувдан ўтказган.
Аниқланишича, округ аҳолисининг 2,5-4,2 фоизи, яъни тахминан 48-81 минг киши коронавирусга қарши антитанага эга экан. Бу эса антитаналар бўлмаганда улар ҳам COVID-19 билан касалланган бўлиши мумкинлигини англатади.
Айни пайтда эса Санта-Кларада коронавирусга чалиниш бўйича расман тасдиқланган ҳолатлар сони бундан 50-85 баравар кам. Тадқиқот муаллифларидан бири, Стэнфорд университети профессори Жей Бҳаттачарянинг айтишича, ушбу тадқиқот натижаларидан COVID-19’дан ўлим даражаси ҳақида ҳам янада аниқроқ тасаввурга эга бўлиш мумкин.
Унинг таъкидлашича, агар коронавирусга чалинганлар сони расмий қайд этилган рақамлардан 10 баравар кўп, ўлим ҳолатлари эса статистикада қайд этилганидек бўлса, ўлим даражаси унча катта эмас.
Аввалроқ Гуанчжоу ва Гонконг университетлари эпидемиологлари COVID-19 билан касалланганлар қачон энг юқумли бўлишини аниқлаганди. Франциялик шифокорлар коронавируснинг янги белгиларини маълум қилганди, Италия ва испаниялик шифокорлар ҳам коронавируснинг яна бир аломатини аниқлаганди.
Изоҳ (0)