Англия бош врачи Крис Уитти коронавирус инфекцияси билан зарарланиш ва унинг оқибатида ўлимга олиб бориши мумкин бўлган асосий учта жиҳат ҳақида маълумот берди, дея хабар тарқатган «РИА Новости».
«Биринчидан, беморларнинг кекса ёшда бўлиши ўлим эҳтимолини оширади. Шу сабабдан ҳам кекса ёшли кишиларни пандемиядан ҳимоялаш зарур,» — деган Уитти.
Бундан ташқари, бошқа касалликлар, хусусан, юрак-қон томир касалликларига чалинган беморларда ҳам ўлим эҳтимоли юқори.«Коронавирусдан вафот этганларнинг қарийб 90 фоизи камида битта сурункали касаллик билан оғриган», — деган британиялик шифокор.
Учинчидан, у қадар тушунарли бўлмаган, номаълум сабабга кўра эркаклар аёлларга нисбатан COVID-19 касаллигини кўпроқ юқтириб олмоқда. Шу тариқа, гендер ҳам коронавирус эпидемияси вақтида касаллик юқтириб олишга сабаб бўлиши мумкин.
Мавзуга доир:
Буюк Британияда 17 апрель ҳолатига кўра 108 692 нафар одамда коронавирус инфекцияси аниқланган, 14 576 киши эса касаллик туфайли ҳаётдан кўз юмган.
Изоҳ (0)