Чернобиль атом электр станцияси яқинидаги ҳудудда бир ҳафтадан бери ўрмон ёнғинлари кузатилмоқда. Ҳудуддаги вазият тобора оғирлашмоқда. Ёнғин аллақачон Припять шаҳрига етиб борди ҳамда яқин вақт ичида радиоактив чиқиндилар омборини ҳам қамраб олиши мумкин, деб ёзади «KP.ua».
4 апрель куни бошланган ўрмон ёнғинлари дастлаб 20 гектар майдонни, кейинроқ эса қарийб 100 гектар майдонни қамраб олди. Украина фавқулодда ҳолатлар бўйича давлат хизмати қутқарувчилари ёнғиннинг бир неча ўчоқларини ўчиришга муваффақ бўлди. Ёнғинни ўчиришга тобора ошиб кетаётган радиацион фон халал бермоқда. Ёнғин 12 та қишлоқни йўқ қилган. Оловни ўчиришга 390 дан ортиқ киши ва 90 та техника бирлиги жалб қилинган. Ёнғинлар ҳеч ким яшамайдиган ҳудудларда кузатилмоқда.
Изоҳ (0)