Фарғонадаги карантин ҳудудидан қочиб кетган 18 ёшли фуқарога нисбатан жиноят иши қўзғатилди. Бу ҳақда Бош прокуратура матбуот хизмати хабар берди.
7 апрель куни Қирғизистондан Ўзбекистонга келган фуқаро Х.С. Фарғона шаҳар Мурувват кўчасида ташкил этилган карантин ҳудудига тиббий кўрикдан ўтиш учун ётқизилган. Бироқ у эпидемияга қарши кураш қоидаларини бузиб, карантин ҳудудидан номаълум томонга қочиб яширинган.
Олиб борилган тезкор қидирув тадбирлари натижасида фуқаро Х.С. Фарғона шаҳар Муборак кўчасида жойлашган уйда яширинганлиги аниқланиб, карантин ҳудудига қайтарилган.
Мазкур ҳолат юзасидан 9 апрель куни Жиноят кодексининг 257-1-моддаси (Санитарияга оид қонун ҳужжатларини ёки эпидемияга қарши кураш қоидаларини бузиш) билан жиноят иши қўзғатилди.
Ҳозирда тергов ҳаракатлари олиб борилмоқда.
Мавзуга доир: «Карантин ноябрь ойигача давом этадими?». Республика бош давлат санитария инспектори жавоб берди
Сўнгги маълумотларга кўра, Ўзбекистонда карантин қоидаларига амал қилмаганлар сони қарийб 40 минг кишига етган.
Изоҳ (0)