Коронавирус карантини сабаб кишилар кўп нарсанинг қадрига ета бошлади, оила аъзоларига етарлича вақт ажратди, мазали таомлар тайёрлай бошлади, севимли машғулотлари билан шуғуллана бошлади. Машҳур шахслар ўзи ва мухлисларини зериктирмаслик учун турли қизиқарли челленж ва флешмоблар бошлаб берса, айримлари гўзаллик борасидаги маслаҳат ва тавсиялари билан кузатувчилар жонига оро кирмоқда.
Америкалик топ-моделлардан бири Девон Виндзор ҳам ўзини-ўзи изоляция қилганлардан. У ҳам бошқа моделлардан ортда қолмаслик мақсадида фитнесс ва бюти тавсиялари билан бўлишди. Сочни фен ва плойкасиз табиий жингалак қилиш ҳақидаги пости, айниқса кузатувчиларни бефарқ қолдирмади. Калифорния тўлқини деб номланган ушбу турмакни қилиш учун қуйидаги босқичларни бирин-кетин амалга ошириш керак бўлади, асосийси ортиқча буюмсиз сиз Голливуд моделлари сингари турмакка эга бўласиз.
- Сочларингиз ювилган ва таралган бўлиши керак;
- Сочингизни маълум қисмини олиб, фотодаги сингари айлантиринг;
- Уни қисқич ёки заколка билан маҳкамланг;
- 15 дақиқага қолдиринг.
Кутиш оралиғида юзингизга ниқоб қилишингиз мумкин. 15 дақиқадан кейин сочингизни ечинг ва ойнага қараб турмагингиздан кўзингиз яйраши аниқ!
Изоҳ (0)