Koronavirus karantini sabab kishilar ko‘p narsaning qadriga yeta boshladi, oila a’zolariga yetarlicha vaqt ajratdi, mazali taomlar tayyorlay boshladi, sevimli mashg‘ulotlari bilan shug‘ullana boshladi. Mashhur shaxslar o‘zi va muxlislarini zeriktirmaslik uchun turli qiziqarli chellenj va fleshmoblar boshlab bersa, ayrimlari go‘zallik borasidagi maslahat va tavsiyalari bilan kuzatuvchilar joniga oro kirmoqda.
Amerikalik top-modellardan biri Devon Vindzor ham o‘zini-o‘zi izolyatsiya qilganlardan. U ham boshqa modellardan ortda qolmaslik maqsadida fitness va byuti tavsiyalari bilan bo‘lishdi. Sochni fen va ploykasiz tabiiy jingalak qilish haqidagi posti, ayniqsa kuzatuvchilarni befarq qoldirmadi. Kaliforniya to‘lqini deb nomlangan ushbu turmakni qilish uchun quyidagi bosqichlarni birin-ketin amalga oshirish kerak bo‘ladi, asosiysi ortiqcha buyumsiz siz Gollivud modellari singari turmakka ega bo‘lasiz.
- Sochlaringiz yuvilgan va taralgan bo‘lishi kerak;
- Sochingizni ma’lum qismini olib, fotodagi singari aylantiring;
- Uni qisqich yoki zakolka bilan mahkamlang;
- 15 daqiqaga qoldiring.
Kutish oralig‘ida yuzingizga niqob qilishingiz mumkin. 15 daqiqadan keyin sochingizni yeching va oynaga qarab turmagingizdan ko‘zingiz yayrashi aniq!
Izoh (0)