Ўзбекистон ҳудудига 7—9 апрель кунлари Волгабўйи тумани (Астрахан) орқали Россиянинг Европа ҳудуди (Москва вилояти) устида шаклланган нам ва совуқ ҳаво оқимлари киради.
«Ўзгидромет» хабарига кўра, шу кунларда республика бўйлаб вақти-вақти билан ёмғир ёғади, 8 апрелда айрим жойларга кучли ёмғир ёғиши мумкин.
9 апрелда эрталаб айрим жойларда ёғаётган ёмғир қорга айланиши мумкин. 7—8 апрелда шамолнинг тезлиги кучайиб, секундига 15-20 метргача, шиддат билан эсганда 23-28 метргача етиши кутилмоқда.
Ҳаво ҳарорати 7 апрелда кечаси 10-15 даража илиқ, кундузи 15-20 даража, 8 апрелда кечаси 3-8 даража илиқ, кундузи 5-10 даража, 9 апрелда кечаси 0-5 даража, айрим жойларда 1 даража совуққача, кундузи 5-10 даража илиқ бўлади.
8—9 апрелда республиканинг тоғолди ва тоғли ҳудудларида сел келиши хавфи бор.
Изоҳ (0)