Андижон туманида жарима майдончасига олиб кетилаётган Damas автомашинасининг ҳайдовчиси ЙПХ инпекторига қаршилик кўрсатиши оқибатида машина ағдарилиб кетди. Бу ҳақда ИИВ ЙҲХББ маълум қилди.
Воқеа 21 март куни соат 16:30 ларда содир бўлган. Damas русумли автомашина ЙПХ инспектори томонидан йўл қоидасини бузганлик учун тўхтатилган. Ҳайдовчида тегишли ҳужжатлар йўқлиги учун машина жарима майдончасига олиб кетилган. Олиб кетиш вақтида Damas эгаси А.С. инспекторга қаршилик кўрсатади. Натижада эса автомашина ағдарилиб кетган.
Ушбу ҳолат юзасидан Андижон туман прокуратураси томонидан терговга қадар суриштирув ишлари олиб борилмоқда.
Изоҳ (0)