Тошкентдаги Вирусология илмий-текшириш институти клиникасида беморларни даволаш ва шифокорларнинг тўлақонли фаолияти учун барча шароитлар яратилган, тор соҳа мутахассислари билан доимий телемулоқотлар ўтказилмоқда. Бу ҳақда институт бўлим бошлиғи Оллоберган Бойжонов «Ўзбекистон 24» телеканалига берган интервьюсида айтиб ўтди.
Ҳозирда Вирусология илмий-текшириш институти клиникасида Соғлиқни сақлаш вазирлиги кўмагида пулмонология, кардиология, эндокринология ва бошқа шу каби тор соҳа йўналишларидаги мутахассислар билан телемулоқот шаклида касалликлар бўйича доимий маслаҳатлашиб иш олиб боряпмиз.Маълумот учун, 2 апрель ҳолатига кўра Ўзбекистонда коронавирусга чалинганлар сони жами 190 нафарга етган, 12 нафар киши соғайган (яқин вақт ичида яна 10 га яқин киши соғайиши кутилмоқда). Мамлакатда коронавирус тарқалиши бошланганидан буён икки киши касаллик қурбонига айланди.Клиникамизда барча шароитлар яратилган, дори-дармон, замонавий технологик текшириш ва даволаш усуллари қўлланиладиган тиббий асбоб-ускуналар билан таъминланган. Бундан ташқари, бир марта ишлатиладиган барча тиббий жиҳозлар ҳам етарли миқдорда.
Президентимиз тиббиёт ходимларининг қилаётган меҳнатларини юқори баҳолаганликлари, халқимиз бизни қўллаб-қувватлаб, олқишлаётгани мадад бўлмоқда. Шифокорлар, умуман тиббиёт ходимларини қувонтирадигани — инфекцияга чалинган беморларнинг «раҳмат», «бугун анча яхшиман» деган сўзлари. Бу сўзлар чарчоғимизни чиқариб, кучимизга куч, ғайрат қўшмоқда.
Оллоберган Бойжонов, Вирусология илмий-текшириш институти бўлими бошлиғи
Изоҳ (0)