Ўзбекистонда 3 апрелдан бошлаб дизель ёнилғиси нархи 300 сўмга арзонлаштирилган ҳолда сотувга чиқарилади. Бу ҳақда «Ўзбекнефтгаз» АЖ матбуот хизмати хабар берди.
«Ўзбекнефтгаз» АЖнинг UNG миллий бренди остидаги ёқилғи қуйиш шохобчалари тармоғида дизель ёнилғисининг нархи 1 мартдан бошлаб 200 сўмга камайтирилган эди. Бир ой вақт давомида унинг нархи 500 сўмга пасайди.
Қайд этилишича, «Ўзбекнефтгаз» ёқилғи қуйиш шохобчалари тармоғи орқали сотиладиган дизель ёқилғисининг нархи хорижий компаниялар томонидан сотилаётган дизель ёқилғиси нархидан 11,5 фоизга арзон. «Биз доимий равишда аҳолига сотилаётган маҳсулот таннархини мунтазам ўрганамиз ва таҳлил қиламиз», — деган «Ўзбекнефтгаз» АЖга қарашли UNG Petro директори Мирзоҳид Мусаев.
Хабарда «Ўзбекнефтгаз» АЖ нархларни босқичма-босқич камайтириб боришда давом этиши таъкидланган.
Аввалроқ «Ўзбекнефтгаз» 26 мартдан бошлаб Аи-92 маркали бензиннинг нархини 6200 сўмдан 6000 сўмга камайтирганди.
Изоҳ (0)