Коронавирус инфекцияси тарқалишига қарши кураш доирасида Ўзбекистонда йирик шаҳарларга кириш-чиқиш бирин-кетин ёпилмоқда.
Ушбу чекловлар барча турдаги транспорт воситалари, жумладан, автобуслар, микроавтобуслар ва енгил атвомобилларда кириш ва чиқишга тааллуқли, аммо юк ташувлари, чеклов ўрнатилган ҳудудда доимий яшовчиларнинг кириб келиши ва коронавирусга қарши кураш тадбирларига жалб этилганларга дахл қилмайди.
Кириш-чиқишга чеклов ўрнатилган шаҳарлар (27 март соат 13:45 ҳолатига кўра):
- Тошкент — 24 март соат 00:01 дан бошлаб;
- Наманган — 26 март соат 00:01 дан бошлаб;
- Андижон — 27 март соат 00:01 дан бошлаб;
- Гулистон — 27 март соат 00:01 дан бошлаб;
- Бухоро — 27 март соат 00:01 дан бошлаб;
- Самарқанд — 27 март соат 6:00 дан бошлаб;
- Навоий — 27 март соат 12:00 дан бошлаб;
- Зарафшон — 27 март соат 12:00 дан бошлаб.
- Қарши — 28 март соат 00:01 дан бошлаб.
Шунингдек, 27 март соат 12:00 дан бошлаб Навоий вилоятининг Учқудуқ, Томди, Конимех ва Хатирчи туманларига ҳам кириш-чиқиш чекланди.
Аввалроқ карантин даврида вилоятларда илгари фаолият юритган постлар фаолияти вақтинча тикланиши маълум қилинган эди. Жумладан, 24 март кунидан бошлаб Сурхондарё вилоятига «Дарбанд» пости орқали кириш вақтинчалик тўхтатилган.
Айнан 24 мартдан бошлаб Қамчиқ довони бўйлаб автотранспортлар ҳаракати тўхтатилди. 27 март соат 10:00 дан бошлаб эса вилоятлараро йўналишларда барча турдаги транспорт воситаларида — енгил автомобиль, автобус, авиа ва темир йўлда ҳаракатланиш тўхтатилди.
