Миллиардер Алишер Усмонов коронавирус пандемияси вақтида Тошкентда изоляцияда яшашга қарор қилди. Бу ҳақда унинг ўзи Forbes нашрига берган интервьюсида маълум қилган.
Фото: RBC
«Коронавирус пандемияси бизнесга ҳам жаҳон иқтисодиётига ҳам салбий таъсир қилди. Тадбиркорларнинг нафақат активлари, балки мажбуриятлари ҳам бор. Улар учун нафақат вирус, балки бозорларни ларзага солаётган ахборот тўлқини ҳам жуда хавфли.
Пандемия қаршисида ҳамма баробар, Худо сақласин. Ҳозир энг муҳими – одамлар саломатлиги ва бахти учун дунё давлатлари раҳбарлари ирода кўрсатиб, геосиёсий қарама-қаршиликларга қарамай, глобал хавф қаршисида бирлаша олиши зарур.
Менга келсак, хавф гуруҳига кирганим сабаб, ўзимнинг тарихий ватаним – Тошкент шаҳрида ўз-ўзимни изоляция қилдим», – дейди 66 ёшли Алишер Усмонов.
Мавзуга доир:
Forbes’да шунингдек, Олег Дерипаска, Давид Якобашвили, Араз Агаларов, Вячеслав Брешт, Игорь Рибаков, Михаил Куснирович, Андрей Кузяев ва Сергей Колесников каби Россия миллиардерлари ҳам COVID-19 ҳақидаги фикр мулоҳазалари баён қилинган.
Ўзбекистонда коронавирусга чалинганлар сони 49 нафарга етган, Тошкент шаҳри 24 мартдан бошлаб ёпилган. Ўзбекистонда коронавирус инфекцияси тарқалишига қарши кучайтирилган тартиб жорий этилган, унга кўра, коронавирус юқтирганлардан мобил телефонлар олиб қўйилади, абонентларда интернет ва телефон алоқаси учун тўловлар кечикса, улар тармоқдан узиб қўйилмайди. Шунингдек, 24 мартдан бошлаб мамлакатдаги деҳқон бозорларидан ташқари барча бозорларнинг фаолияти тўхтатилган.
