Коронавирус туфайли Туркияда мушкул вазиятга тушиб қолган ўзбекистонликларга ёрдам берилади. Бу ҳақида Ўзбекистон Ёшлари умумжаҳон ассоциациясининг матбуот котиби маълум қилди.
Таъкидланишича, Туркияда оғир вазиятга тушиб қолган ўзбекистонликларни қўллаб-қувватлаш мақсадида ташкил этилган ушбу лойиҳа орқали Туркияда бўлиб турган фуқароларга моддий ва маънавий кўмак берилади, уларга энг зарур озиқ-овқат маҳсулотлари ва маиший тозалаш воситалари етказиб берилади.
Бунинг учун Туркиядаги ёрдамга муҳтож фуқаролар исм-шарифи, телефон рақами ва яшаш манзили кўратилган маълумотларни Ўзбекистон Ёшлари умумжаҳон ассоциацияси Туркия вакиллигининг Telegram боти @UzbTrBot ва «tr.ozbekogrenciler@gmail.com» почта манзилига юбориши лозим.
Аввалроқ Туркияда коронавирус билан касалланганлар сони бир кунда қарийб икки баравар кўпайгани хабар берилган эди.