Ўзбекистонда ҳафта давомида қандай об-ҳаво кузатилиши маълум қилинди

Ўзбекистонда 23 март, душанба куни, об-ҳаво ёғингарчиликсиз бўлади, ҳаво ҳарорати 20-25 даража атрофида бўлиб, бу меъёрдан 3-4 даражага юқоридир.

«Ўзгидромет»нинг хабар беришича, 24 март, сешанба куни, Каспий денгизининг жанубий туманларидан нам ҳаво оқими киради. Республиканинг айрим жойларида ёмғир ёғиб, ҳарорат 15-20 даражагача пасаяди ва шу кун меъёрига яқинлашади. Фақат шимолий ҳудудларда ёғингарчиликсиз об-ҳаво сақланиб туради.

25 март, чоршанба куни, салқин ҳаво оқимининг кириши кутилмоқда, мамлакатнинг катта қисмида ёғингарчилик бўлмайди, фақат Фарғона водийси, шунингдек, Самарқанд, Қашқадарё ва Сурхондарё вилоятларида айрим жойларга ёмғир ёғади. Ҳарорат кечаси 5-10 даража илиқ бўлади, кундузги ҳарорат 10-15 даражагача пасаяди.

26 мартдан 28 мартгача мамлакат ҳудуди юқори босимли майдон таъсирида бўлади. Кечаси ҳарорат 3-8 даража илиқ атрофида боълади 26 март куни кундузи ҳарорат салқин, 10—15 даража илиқ, 27—28 март кунлари эса ҳарорат 15-20 даражагача коътарилади.