Болливудча урф: Таниқли ҳинд актрисалари қандай кийинади?

Болливуд актрисаларини киноларда башанг кийинган ҳолда кўриб ўрганиб қолганмиз. Улар суратга олиш майдончалари ташқарисида, одатий ҳаётда қандай кийинади? Cosmopolitan нашри шу ҳақда материал тайёрлади.

Айшвария Рай

Болливуднинг энг ёрқин актрисаларидан бири Айшвария Рай бир неча таниқли брендларнинг юзи ҳам ҳисобланади. Шунинг учун унинг ҳар бир образи мода танқидчилари назоратида бўлади.

Айшвария ҳар доим тартиб билан кийинади, хоҳ у тантанабоп кийим бўлсин, хоҳ кундалик либос бўлсин, дид билан танлайди.

Приянка Чопра

Приянка аёллик гўзалликларига урғу берувчу кийимларни маъқул кўради. У мухлисларини тез-тез янги образлар билан ҳам хушнуд этиб туради.

Анушка Шарма

Анушка ўз услубини тез-тез янгилаб турадиган актриса. У янги образларни ўзида синаб кўришдан чўчимайди. Анушка ҳиндча либосларни кийишни ҳам маъқул кўради.

Дипика Падуконе

Болливуд актрисалари орасида ҳам классик услубни маъқул кўрувчилар топилади. Дипика бунга ёрқин мисол. Актриса тантанали тадбирларга ҳам камтарона кийинади, кундалик ҳаётда ҳам оддийгина кийимларни танлайди.

Сонам Капур

Ҳиндистоннинг машҳур киночилар сулоласи вакиллари Сонам ва Карина Капурнинг кийиниш услуби бир-бирига ўхшаб кетади. Улар кийиниш услубида классик ва замонавий услубни мужассамлаштиради.

Карина Капур

Кенг елкали кийимлар, паеткалар, ёрқин ранглар — ушбу қайноқ трендлар Сонам ва Каринани ҳам четлаб ўтмаган. Шунинг учун бутун дунёдаги минглаб мода ихлосмандлари Сонам ва Каринанинг кийиниш услубини уларнинг Instagram’и орқали кузатади.