Chanel модалар уйи 2021 круиз коллекцияси намойишини қолдирди. Бренднинг қарори коронавирус инфекциясига қарши кураш билан боғлиқ, деб ёзади «Буро 24/7»нашри.
Аввалига шоуни 2020 йилнинг 7 май санасида Италиянинг Капри оролида ўтказиш режалаштирилганди. Кейинроқ эса бренд кўргазма қолдирилгани ҳақида расмий эълон қилди. Унда қўшимча қилинишича Chanel янги тўпламни намойиш қилишнинг муқобил йўллари устида бош қотирмоқда. Бренд вакилларининг айтишича, шоу Каприда кейинроқ ўтказилиши мумкин.
Эслатиб ўтамиз, Gucci ва Prada брендлари ҳам коронавирус сабаб Сан-Франсиско ва Токиода ўтказилиши керак бўлган круиз коллекция намойишини бекор қилди. Бундан ташқари, Dior бренди Италияда бўлиб ўтиши керак бўлган коллекция намойишини ўтказмасликка қарор қилган.
Изоҳ (0)