Ўзбек шоу-бизнеси вакиллари ижтимоий тармоқлардаги саҳифаларига коронавирус ҳақидаги фикрларини ёзиб қолдириб, одамларни карантин қоидаларига риоя қилишга, ваҳима қилмасликка ва сабрли бўлишга чорламоқда.
Хусусан, актриса Шаҳзода Матчонова хориждан қайтганидан сўнг коронавирус аниқланган ўзбекистонликларга нисбатан ҳурматсизлик билан муносабатда бўлаётган, ижтимоий тармоқларда улар ҳақида хунук гапларни ёзиб қолдирганларга мурожаат қилди.
https://www.instagram.com/p/B94HRAupZE2/
Актёр Йигитали Мамажонов ўз фолловерларини хотиржамликни сақлаб қолишга чақирмоқда. «Агар пешонамизга шу касалликка чалиниб, вафот этиш ёзилган бўлса, демак бу тақдир, бу Аллоҳнинг иродаси, муҳими хотиржамликни сақлаб қолайлик», — дейди актёр.
https://www.instagram.com/p/B91XPeCH4I5/
Ўзбекистон халқ артисти Юлдуз Усмонова эса карантин давридан унумли фойдаланган ҳолда уйдаги анчадан бери режалаштириб қўйилган ишларни битириб олаётганини айтди. «Дунё ишларидан дам олайлик, дунё ишлари биздан дам олсин, балки Аллоҳ ҳам шуни хоҳлагандир. 10-15 кун уйда ўтириб турсак, ҳаммаси ўз измига тушади», — дейди хонанда.
https://www.instagram.com/p/B96E1OYJ06B/
Юлдуз Усмонованинг фикрларини яна бир халқ артисти Зулайҳо Бойхонова давом эттиради. «Ҳеч қандай ваҳимага тушманглар, мана яқинда Наврўз байрами, телевизорни қўйинглар, сизлар учун яхши концертлар тайёрлаб қўйдик», — дейди хонанда Instagram фолловерларига мурожаатида.https://www.instagram.com/p/B96JCCLgM4p/?igshid=1szsm523g1zog
Хонанда Абдурашид Йўлдошев фуқароларни карантин жараёнига жиддий муносабатда бўлишга чақиради. «Зарурат бўлмаса, одам гавжум жойларга борманг, байрамни ҳам имкон қадар уйда, оила даврасида ўтказишга ҳаракат қилинг», — дейди у.
https://www.instagram.com/p/B96IinxHDoG/?igshid=plo80zsuetv0
Мавлуда Асалхўжаева ҳам фолловерларини зарурат бўлмаса, кўчага чиқмасликка чақирди. Хонанданинг айтишича, ўзи ҳам уйда ўтирибди, вақтни унумли ўтказиш учун китоблар ўқияпти. «Тоҳир Маликнинг ‘Одамийлик мулки’ китобини ўқидим», — дейди у.
https://www.instagram.com/p/B96l0E6A6ut/
Хонанда Лола эса фолловерларига мурожаат қилиб, «Ваҳима қилиб дўконлардаги ҳамма макаронни сотиб олиш бизга эмас, тўғрими, чунки биз кап-катта одамлармиз, ахир? Бу вазиятда бирдамликда ҳаракат қилиб, муаммони бартараф этишимиз мумкин», — дейди.
https://www.instagram.com/p/B9yfAaCFHVs/
Маълумот учун, айни пайтда Ўзбекистонда коронавирус инфекциясини юқтириб олиш билан боғлиқ 23 та ҳолат аниқланган.
Изоҳ (0)