Карантин вақтида ёлғон ва текширилмаган ҳамда одамларда ваҳима яратадиган хабарлар тарқатадиган шахсларга нисбатан амалдаги қонунчилик доирасида жиноий жавобгарликкача бўлган чоралар кўрилади.
Бу ҳақда 15 март, якшанба куни, Ўзбекистон бош вазири Абдулла Арипов иштирокида коронавирус тарқалишининг олдини олиш бўйича кўрилаётган чораларга бағишлаган матбуот анжуманида маълум қилинди.
«Дарё» мухбирининг хабар беришича, бу масалага тўхталар экан, бош вазир ижтимоий тармоқларда тарқалган автомобиллар нархи ошишига қарши норозилик акцияси ўтказишга чақирувларни эслаб ўтди.
Бош вазирнинг алоҳида қайд этишича, норозилик акциясини ўтказиш чақируви билан тармоқларда хабар тарқатган йигит ушланган. «Ҳозир у: ҳазиллашгандим деб, йиғлаб ўтирибди», — деди Абдулла Арипов.
Ҳукумат раҳбарининг алоҳида қайд этишича, бу йигитга нисбатан ҳам қонунда белгиланган чора кўрилади.
Мавзуга доир:
- Ўзбекистон коронавирус сабаб авиа ва автоқатновларни тўхтатади. Чет элда қолган ватандошлар чартер рейсларда қайтарилиши мумкин
- Коронавирус сабаб Ўзбекистондаги барча мактаблар, боғчалар ва ОТМлар карантинга ёпилади
- Коронавирус Ўзбекистондаги март ойида бўладиган тўйларга таъсир кўрсатмайди
- Ҳукумат Ўзбекистондаги диний идораларга диний маросимлар ўтказишни вақтинча чеклаш бўйича илтимос билан мурожаат қилди
Изоҳ (0)