Karantin vaqtida yolg‘on va tekshirilmagan hamda odamlarda vahima yaratadigan xabarlar tarqatadigan shaxslarga nisbatan amaldagi qonunchilik doirasida jinoiy javobgarlikkacha bo‘lgan choralar ko‘riladi.
Bu haqda 15-mart, yakshanba kuni, O‘zbekiston bosh vaziri Abdulla Aripov ishtirokida koronavirus tarqalishining oldini olish bo‘yicha ko‘rilayotgan choralarga bag‘ishlagan matbuot anjumanida ma’lum qilindi.
“Daryo” muxbirining xabar berishicha, bu masalaga to‘xtalar ekan, bosh vazir ijtimoiy tarmoqlarda tarqalgan avtomobillar narxi oshishiga qarshi norozilik aksiyasi o‘tkazishga chaqiruvlarni eslab o‘tdi.
Bosh vazirning alohida qayd etishicha, norozilik aksiyasini o‘tkazish chaqiruvi bilan tarmoqlarda xabar tarqatgan yigit ushlangan. “Hozir u: hazillashgandim deb, yig‘lab o‘tiribdi”, — dedi Abdulla Aripov.
Hukumat rahbarining alohida qayd etishicha, bu yigitga nisbatan ham qonunda belgilangan chora ko‘riladi.
Mavzuga doir:
- O‘zbekiston koronavirus sabab avia va avtoqatnovlarni to‘xtatadi. Chet elda qolgan vatandoshlar charter reyslarda qaytarilishi mumkin
- Koronavirus sabab O‘zbekistondagi barcha maktablar, bog‘chalar va OTMlar karantinga yopiladi
- Koronavirus O‘zbekistondagi mart oyida bo‘ladigan to‘ylarga ta’sir ko‘rsatmaydi
- Hukumat O‘zbekistondagi diniy idoralarga diniy marosimlar o‘tkazishni vaqtincha cheklash bo‘yicha iltimos bilan murojaat qildi
Izoh (0)