Футбол бўйича Италия чемпионатининг 26-туридан ўрин олган «Ювентус» ва «Интер» жамоалари ўртасидаги қолдирилган баҳс 9 март куни бўлиб ўтади.
Football Italia’нинг хабар қилишича, А Серия клублари ва Италия футбол федерацияси ўзаро келишган ҳолда ўйинларни 13 майда эмас март ойида ўтказиш қарорига келган. Аввалроқ коронавирус туфайли А Сериянинг бешта ўйини 13 май санасига кўчирилгани хабар қилинганди.
Шу тариқа «Ювентус» — «Интер», «Милан» — «Женоа» ва «Парма» — СПАЛ ўйинлари 9 март куни бўлиб ўтади. «Сампдория» — «Верона» ҳамда «Удинезе» — «Фиорентина» учрашувлари эса мос равишда 7 ва 8 март саналарида ўтказилади. Катта эҳтимол билан мазкур баҳслар томошабинларсиз ўтади.
Бунинг натижасида қолган тур ўйинларида ўзгаришлар кузатилиши мумкин.
Маълумот учун, 27—29 март кунларига А Сериянинг 27-тур учрашувлари белгиланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!