Yunusobod Business City ҳудудидан 3,2 гектар ер майдони онлайн аукционга қўйилди

6 май куни Тошкент шаҳрида йирик сармоявий лойиҳа — Yunusobod Business City тақдимоти бўлиб ўтди. Тадбирда шаҳар ҳокимлиги вакиллари, тадбиркорлар ва инвесторлар иштирок этди.

Тақдимотда Тошкент шаҳар ҳокими ўринбосари Шароф Раҳмановнинг айтишича, Yunusobod Business City президент қарори асосида амалга оширилмоқда. Унинг умумий майдони 44,5 гектарни ташкил этади.

“Лойиҳа доирасида салкам 20 гектар майдонда истироҳат боғлари, пиёда ва автомобиль йўллари қурилади. Қолган ер майдонлари лотларга ажратилган ҳолда инветорларга тақдим этилмоқда. Лойиҳаларнинг умумий қиймати 763 миллион долларни ташкил этади”, — деди ҳоким ўринбосари.

Тақдимотда Yunusobod Business City дирексияси раҳбари Низомиддин Пардаев нутқ сўзлаб, кўп қаватли уйлар ва тижорат офислари қуриш учун лойиҳа ҳудудидан 3,2 гектар ер майдони аукционга қўйилганини айтди.

“Жами 16 та лот э–аукцион.uz платформасига жойлаштирилди. Ҳар бир лот 16 сотихдан 23 сотихгача. Бунда турар жой биноларини 16 қаватгача қуриш имкони мавжуд ва уларнинг 1–2 қаватлари тижорат майдонлари бўлади. Инветорларга ер пулини 12 ой давомида бўлиб тўлаш имконияти ҳам яратилди.

Шунингдек, инфратузилма тармоқлари, яъни электр энергияси, газ, канализация, ички йўллар ва яшил зоналар дирексия маблағлари ҳисобидан ташкил этилади. Дирексия лойиҳани инвесторга ҳужжатлардан тортиб то қурилишни якунлагунча бўлган жараёнда кўмак беради. Биз ҳокимият ва инвестор ўртасидаги кўприк вазифасини бажарамиз”, — деди дирексия раҳбари.

Yunusobod Business City Тошкент ботаника боғи, ҳайвонот боғи, истироҳат боғлари, савдо марказлари ҳамда бошқа муҳим ижтимоий объектлар яқинида жойлашади.

Мажмуада беш юлдузли меҳмонхоналар, бизнес марказлари, кўп қаватли турар жой мажмуалари ва бошқа қатор йирик объектлар қурилмоқда.

Тадбиркор ва инвесторлар Yunusobod Business City ҳудудидан сотувга қўйилган 16 та ер участкасини E-auksion.uz электрон савдо платформаси орқали харид қилишлари мумкин. Лойиҳанинг ўзига хос хусусиятларидан бири узбекистан 360.uz веб-сайтида виртуал саёҳат орқали Yunusobod Business City ва унинг объектларига онлайн ташриф буюриш имконияти мавжуд.

Yunusobod Business City нафақат янги сармоявий имконият, балки янги иш ўринлари яратиш, турмуш сифатини яхшилаш ва сармояларни жалб этишга кўмаклашиш ваъдаси билан Тошкент шаҳри ривожи йўлидаги олдинга қадамдир.

Лойиҳа ва инвестиция имкониятлари ҳақида батафсил маълумот олиш учун (+998) 95−501−70−70 телефон рақамига мурожаат қилиш мумкин.

Сайт: yubc.uz
Facebook: fb.com/YunusobodBusinessCity
Instagram: @yunusobod_bc
Telegram: т.ме/юбc_уз

Реклама ҳуқуқлари асосида.