Футбол бўйича Ўзбекистон Суперлигасининг 1-тур учрашувлари якунланди. ЎФА тартиб-интизом қўмитаси ушбу турда рўй берган баъзи баҳсли ҳолатларни кўриб чиқади. Бу ҳақда ЎзПФЛ директор ўринбосари Диёр Имомхўжаев хабар берди.
«Пахтакор» — «Навбаҳор» (2:1) учрашуви ҳакамлиги бўйича ЎФА Ҳакамлик-инспекторлик қўмитаси йиғилиш ўтказади. «Навбаҳор»нинг россиялик легионери Иван Соловёв ЎФА ҳакамига нисбатан ҳақоратли фикр билдирган. Бу масала ЎФА Этика қўмитаси томонидан кўриб чиқилади.
«Қизилқум» — «Насаф» (1:3) учрашувида мезбонлар штаби техник зонада уяли алоқа воситасидан фойдаланган ҳамда регламентнинг 9.13 бандини бузган. Бунга нисбатан чора кўрилади.
«Сўғдиёна» клуби бош мураббийи Улуғбек Бақоев «Машъал»га қарши учрашувдан (0:3) сўнг матбуот анжуманида иштирок этмаган ва регламентнинг 9.17 бандини бузган. Бунга нисбатан чора кўрилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)