Испания футбол федерацияси Ла Лига 26-туридан ўрин олган «Реал» ва «Барселона» иштирокидаги ўйинга ҳакамлар тайинлади.
Учрашувни Антонио Мигел Матеу Лаос бошчилигидаги ҳакамлар гуруҳи бошқариб боради. Унга видеотакрорларда Александер Гонсалес Гонсалес ёрдам беради.
Лаос Ла Лига доирасида «Эль-Класико»ни бор-йўғи бир марта бошқарган: 2014/15 йилги мавсумда «Камп Ноу»да кечган баҳсда каталонлар ғалаба қозонганди (2:1).
Шунингдек, у «Реал» ва «Барселона» ўртасидаги 2012 йилда Испания Суперкубоги (иккинчи ўйин, 2:1), Испания Кубоги финали (2014, 2:1) ва ярим финалнинг дастлабки баҳсини (1:1, 2014) бошқариб борган.
«Реал» — «Барселона» учрашуви Тошкент вақти билан 1 мартдан 2 мартга ўтар кечаси 01:00 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)