«Барселона» Испания чемпионатининг 25-турида 22 февраль куни «Эйбар»ни йирик ҳисобда енгди (5:0).
Бунинг эвазига «Барселона» Ла Лига тарихида урилган голлар сони бўйича «Реал»ни ортда қолдирди. «Барселона» ҳисобида ҳозирда 6151 та гол мавжуд, «Реал»да эса — 6150.
«Реал» 1963 йилдан буён мазкур кўрсаткич борасида бўйича келаётганди. Шунингдек, мадридликлар «Леванте»га қарши ўйинда (0:1) гол ура олмай етакчиликни қайтариб олиш имкониятини кўкка совурди.
25-турдан кейин «Барселона» 55 очко билан пешқадамлик қилмоқда. Ундан икки очко кам жамғарган «Реал» 2-ўриндан жой олган. Мазкур жамоалар 1 март куни 26-тур доирасида ўзаро тўқнаш келади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)