“Real”—“Barselona” uchrashuvi hakamlari ma’lum bo‘ldi

Ispaniya futbol federatsiyasi La Liga 26-turidan o‘rin olgan “Real” va “Barselona” ishtirokidagi o‘yinga hakamlar tayinladi.

Uchrashuvni Antonio Migel Mateu Laos boshchiligidagi hakamlar guruhi boshqarib boradi. Unga videotakrorlarda Aleksander Gonsales Gonsales yordam beradi.

Laos La Liga doirasida “El-Klasiko”ni bor-yo‘g‘i bir marta boshqargan: 2014/15-yilgi mavsumda “Kamp Nou”da kechgan bahsda katalonlar g‘alaba qozongandi (2:1).

Shuningdek, u “Real” va “Barselona” o‘rtasidagi 2012-yilda Ispaniya Superkubogi (ikkinchi o‘yin, 2:1), Ispaniya Kubogi finali (2014, 2:1) va yarim finalning dastlabki bahsini (1:1, 2014) boshqarib borgan.

“Real” — “Barselona” uchrashuvi Toshkent vaqti bilan 1-martdan 2-martga o‘tar kechasi 01:00 da boshlanadi.