Ўзбекистонлик йигит Килиманжаро тоғига Ўзбекистон байроғини олиб чиқди (видео)

Ўзбекистонлик йигит Африка қитъасининг энг баланд нуқтаси — Килиманжарони забт этди деб хабар берди ЎзА.

«Самарқанд вилояти Булунғур туманида яшовчи Санжар исмли йигит Африканинг энг баланд нуқтаси — Килиманжаро тоғини забт этди», – дейилади хабарда.

Санжар у ерга Ўзбекистон байроғини олиб чиқди.

Килиманжаро дунёдаги алоҳида олинган (freestanding) тоғлар ичида энг баланди бўлиб, у экватордан 300 километр узоқликда, Танзанияда Кения билан чегарада жойлашган. У алоҳида-алоҳида учта чўққидан иборат: ғарбда Шира (3962 метр), шарқда Мавензи (5149 метр) ҳамда ўртада Кибо (5895 метр) тоғи.

Кибонинг шимолий ва жанубий ёнбағирларида музликлар, тоғ этагида эса тропик ўрмон мавжуд.