Бугун,

  • USD 11095.31
  • RUB 173.84
  • EUR 10772.44

Жаҳон соғлиқни сақлаш ташкилотининг Европа минтақавий бюроси директори Ханс Клюге Ўзбекистонга ташрифи доирасида Республика ихтисослаштирилган фтизиатрия ва пулмонология илмий-амалий тиббиёт маркази фаолияти билан яқиндан танишди. Бу ҳақда Соғлиқни сақлаш вазирлиги хабар берди.

Фото: Соғлиқни сақлаш вазирлиги

Фото: Соғлиқни сақлаш вазирлиги

Вазирлик томонидан қайд этилишича, Ханс Клюге Ўзбекистонда силга қарши кураш бўйича амалга оширилган ишларга юқори баҳо берган.

«Ўзим 20 йил муқаддам силга қарши курашиш лойиҳаси доирасида Қорақалпоғистон Республикасининг Мўйноқ ва Қўнғирот туманларида иш олиб борганман. Орадан 20 йил ўтди. Натижалар жуда ажойиб. Ўйлайманки, Ўзбекистоннинг бундай тажрибасини бошқа мамлакатларга ҳам намуна сифатида тавсия қилган бўлардим», — деган Ханс Клюге.

Фото: Соғлиқни сақлаш вазирлиги

Фото: Соғлиқни сақлаш вазирлиги

Соғлиқни сақлаш вазирлигининг таъкидлашича, бундай юқори натижага эришишда Президентнинг «Ихтисослаштирилган фтизиатрия ва пулмонология ёрдами кўрсатиш тизимини такомиллаштириш чора-тадбирлари тўғрисида»ги қарори ҳамда ушбу ҳужжат билан қабул қилинган «2019—2021 йилларда сил ва ўпканинг носпецифик касалликлари тарқалишига қарши курашиш комплекс чора-тадбирлари» дастури муҳим аҳамият касб этади.

Фото: Соғлиқни сақлаш вазирлиги

Фото: Соғлиқни сақлаш вазирлиги

Таъкидланишича, мамлакатда сил касалликларини даволаш бўйича юқори натижалар қайд этилмоқда. Хусусан, даволаш самарадорлиги 87 фоизга етказилган. Дунёда ушбу кўрсаткич 85 фоизни ташкил этади. ЖССТ маълумотига кўра, силга қарши олиб борилган тадбирларнинг натижалари бўйича Ўзбекистон фтизиатрия хизмати Жаҳон соғлиқни сақлаш ташкилотининг Европа ҳудудига кирувчи 53 та мамлакат орасида иккинчи ўринни эгаллаб, кучли учликдан ўрин олган.

Эслатиб ўтамиз, Ханс Клюге бюро раҳбари лавозимига 2019 йилнинг сентябрь ойида сайланган бўлиб, 2020 йилнинг 1 февралидан ўз вазифасига расман киришган. У ўзининг биринчи хорижий ташрифини Ўзбекистондан бошлади. Ташриф доирасида 11 февраль, сешанба куни, Ханс Клюге Ўзбекистон Сенати раиси Танзила Норбоева билан учрашди.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди