Навоий вилоятининг Конимех туманида содир бўлган йўл-транспорт ҳодисасида икки киши ҳалок бўлди, деб хабар бермоқда ИИВ Тергов департаменти матбуот хизмати.
Ҳодиса 9 февраль куни тахминан соат 01:50 ларда Навоий вилояти Конимех тумани ҳудудидан ўтувчи Зарафшон—Навоий автомобиль йўлининг 154-километрида содир бўлган.
24 ёшли Р.Н. Lacetti’да белгиланган тезликни оширган ҳолда ҳаракатланиб келаётган вақтида бошқарувни йўқотиб, қарама-қарши ҳаракат йўналишига чиқиб кетган ва 23 ёшли Н.Ж. нинг бошқарувида бўлган Nexia билан тўқнашган.
Оқибатда Nexia ҳайдовчиси Н.Ж. воқеа жойида ва машинадаги 1 ёшли йўловчи бола А.Ш. Зарафшон шаҳар тиббиёт бирлашмасида вафот этган.
Мазкур ҳолат юзасидан Конимех тумани ИИБ ҳузуридаги Тергов бўлими томонидан Жиноят кодексининг 266-моддаси 3-қисми «а» банди (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда дастлабки тергов ҳаракатлари олиб борилмоқда
Изоҳ (0)