Қорақалпоғистонда металл сейфдан 30 миллион сўм ўғирлаган шахслар қўлга олинди, деб хабар беради ИИВ ҳузуридаги Тергов департаменти.
5 январь кунига ўтар кечаси номаълум шахслар Қорақалпоғистон Республикаси Беруний туманида яшовчи Д.М. исмли фуқарога тегишли МЧЖ ҳудудига ўғриликка тушган. Улар темир контейнер ичидаги металл сейфни калит билан очиб, ичидаги жами 30 миллион сўм пулни яширин равишда талон-торож қилиб ҳодиса жойидан яширинган.
Мазкур ҳолат юзасидан Беруний тумани ИИБ ҳузуридаги Тергов бўлинмаси томонидан Жиноят кодексининг 169-моддаси 2-қисми «б», «г» бандлари (Ўғрилик) билан жиноят иши қўзғатилган.
Дастлабки тергов жараёнида олиб борилган тергов-тезкор ҳаракатлари натижасида ушбу жиноятни 19 ёшли Н.А., 18 ёшли С.А. ва 17 ёшли Т.С. содир этганликлари аниқланган. Гумонланувчиларнинг ҳар биридан ўғирланган пуллар эвазига сотиб олинган Redmi Note 8 русумли уяли телефонлар ва турли хил кийим-кечаклар ашёвий далил тариқасида расмийлаштириб олинган.
Ҳозирда дастлабки тергов ҳаракатлари олиб борилмоқда.
Изоҳ (0)